Քաղաքակրթության զարգացմանը զուգընթաց մենք ավելի ու ավելի ենք «ապրում» կազմակերպություններում: Մերօրյա հասարակությունը կոչում ենք «գիտելիքի հասարակություն» և հասկանում ենք, որ անընդհատ ուժգնացող տեղեկատվական հոսքերի ներքո որքան հնարավոր է շատ պիտի «ապրենք» կրթական հաստատություններում: Հավերժական կրթության (LLL) գաղափարը մեզ մղում է ամբողջ կյանքում ուսանող լինելուն: Էական է, որ կրթությունը (դպրոցական, բուհական, հետբուհական), որն ամբողջ կյանքի ընթացքում ստանում ենք, լինի որակյալ: Եվրասիա կրթահամալիրը կոչված է ապահովելու անհատների որակյալ կրթությունը յուրաքանչյուր տարիքում և հանդիսանալ կառույց, ուր կարող են ուսանել ընտանիքի բոլոր անդամները. այն ապահովում է որակյալ կրթություն ընտանիքի յուրաքանչյուր անհատի համար (սկսած 2 տարեկանից): Այն միջոց է սահուն անցում կատարելու նախադպրոցական կրթական համակարգից հանրակրթականի, հանրակրթականից` բուհականի, և միշտ լինել նույն կրթական մշակույթի ու միջավայրի ներքո, ուսանել միևնույն կրթական փիլիսոփայությունն ունեցող կրթօջախում:

Վերջին փոփոխություն 29.06.2010 11:03	Տպել էջը