Եվրասիա միջազգային համալսարանը (ԵՄՀ) անկախ, մասնավոր բարձրագույն կրթական հաստատություն է, որը հաջողությամբ համադրում է ավանդույթն ու նորարարությունը. հավատարիմ մնում հայ ազգային կրթության լավագույն սկզբունքներին, բայց նաև մատուցում արդի հասարակության պահանջներին համապատասխան կրթություն, արժևորում ինչպես երիտասարդ մասնագետների գործնական հմտություններն ու գիտական ներուժը, այնպես էլ փորձառու մասնագետների ակադեմիականությունը:

Համալսարանը, կարևորելով ժամանակակից հասարակության մեջ բարձրագույն կրթական հաստատությունների հետազոտական բնույթը, ուսանողների ու գիտամանկավարժական կազմի համար ստեղծում է գիտահետազոտական աշխատանքներ իրականացնելու լայն հնարավորություններ:

Այն նաև հատուկ արժևորում է բուհ-հասարակական կազմակերպություններ համագործակցումը և այդ համագործակցման միջոցով սոցիալապես նշանակալի նախաձեռնություններ ցուցաբերում: Նման գործունեությամբ համալսարանը միտված է հասարակության մեջ իրականացնել գիտակրթական, սոցիալ-տնտեսական և սոցիալ-մշակութային դրական փոփոխություններ, սակայն այս փոփոխությունների գլխավոր աղբյուրը այն համարում է իր ուսանողներին: 

Մենք հավատարիմ ենք մեր սկզբունքին` մեր ձեռքը դարի զարկերակին է: