Նվիրատվության հնարավորություն
Արդի հասարակության փոփոխման միտումները հաշվի առնելով` բարձրագույն ուսումնական հաստատություններն անընդհատ կատարելագործման կարիք ունեն, ինչն անհնար է համապատասխան ֆինանսական ռեսուրսների բացակայության դեպքում:
Եվրասիա միջազգային համալսարանի կանոնադրությամբ սահմանված են բուհին ֆինանսական աջակցություն ցուցաբերելու հնարավորություններ: Բուհին կարող են աջակցություն ցուցաբերել անհատ բարերարներ և կազմակերպություններ` հիմնադրամներ, ազգային և միջազգային հասարակական կազմակերպություններ, իրավաբանական անձանց միություններ և այլն: Եվրասիա միջազգային համալսարանն արժևորում է ուսանողներին ուսման վարձի վճարման հարցում աջակցելու նախաձեռնությունները: Սա ենթադրում է ուսանողների համար կրթաթոշակների սահմանում: Կրթաթոշակները կարող են տրվել ուսանողներին որպես
- պարգև և չենթադրել փոխհատուցում,
- աջակցություն, որը փոխհատուցվում է ուսանողների կողմից:
Վերջինս տեղի ունի, օրինակ,
- ուսանողական վարկերի տրամադրման,
- ուսանողներին մասնագիտական (1), հետազոտական (2), կամավորական (3) աշխատանքներով իրենց վարձավճարը փոխհատուցելու հնարավորության ընձեռնման պարագայում:
Համալսարանը գնահատում է նաև նվիրատվության ցուցաբերումը համալսարանի
- աշխատակիցներին վերապատրաստման հնարավորությունների ընձեռնման,
- ուսանողների պրակտիկայի կազմակերպման,
- գիտահետազոտական աշխատանքների,
- տպագրական ծախսերի մասնակի կամ ամբողջական ֆինասավորման,
- նյութատեխնիկական ռեսուրսների բարելավման (մասնաշենքերի վերանորոգում, ուսումնական նոր տարածքների շահագործում, գրադարանային ռեսուրսների և համակարգչայի պարկի համալրում, արդի տեղեկատվական տեխնոլոգիաների ներդրում և այլն) առնչությամբ:
Նախապես շնորհակալություն ենք հայտնում սոցիալապես պատասխանատու, կրթօջախների զարգացումն արժևորող անհատներին և կազմակերպություններին: Հատկապես, Եվրասիա միջազգային համալսարանի
- նախկին շրջանավարտներին բուհի կողմից իրենց տրված մարդկային և սոցիալական կապիտալի յուրահատուկ փոխհատուցման,
- բուհի հետ առնչություն ունենցող ծնողական համայնքի ներկայացուցիչներին բուհի նկատմամբ հատուկ ուշադրություն ցուցաբերելու համար:
ԵՄՀ-ին ցուցաբերվող աջակցությունը կարող է լինել երկարաժամկետ (շարունակական) և կարճաժամկետ (մեկանգամյա):
ԵՄՀ-ն յուրաքանչյուր տարի իրականացնում է բաց դռների օր և սիրով պատրաստ է հյուրընկալել բուհին նվիրատվություն ցուցաբերելու ցանկություն ունեցող անհատների, կազմակերպությունների ներկայացուցիչների: Վերջիններս այս օրվա ընթացքում կարող են ծանոթանալ բուհի աշխատակազմի անդամներին և բուհում իրականացվող աշխատանքներին:
 Վերջին փոփոխություն 29.06.2010 10:09 |
 Տպել էջը |
|
