ԵՄՀ ինքնությունը

Եվրասիա միջազգային համալսարանը հայաստանյան նորանկախ իրականության մեջ հիմնադրվեց որպես կրթական բարեփոխումների իրականացմանը միտված հաստատություն: Այն Բոլոնիայի գործընթացի շրջանակներում դարձավ կրե­դիտային համակարգը ներդնող առաջատար բուհերից մեկը: 

Մեր կրթական փիլիսոփայությունն ենթադրում է կրթական քաղաքանություն, որի արդյունքում

• եվրոպական կրթական արժեքները դառնում են գործառույթային
• անհատականացված կրթությունը բնորոշում է բուհի կրթության որակը
• համագործակցային մեթոդները և բուհի կրթական արժեքները բնորոշում են անհատա­կա­նացված կրթությունը
• բուհում սովորողները դառնում են ոչ միայն լավագույն մասնագետներ, այլև կայանում են որպես անհատներ:

Անհատականացված կրթությունը ռազմավարական նշանակություն ունի բուհի համար: Այն ուղղակի նպատակ չէ, այլ բուհում մատուցվող կրթության որակի, բավանդակության ստեղծման էական միջոց:

Համագործակցային մեթոդների կիրառումը բուհում և բուհի կրթական արժեքներով ձևավորված բուհական յուրահատուկ մշակույթն այն էական նախապայմաններն են, որոնք իրական են դարձնում անհատականացված կրթությունը:

Մեր առաքելությունը

 Համալսարանն իր առաքելությունն է հա­մա­րում.

• Ապահովել մատչելի կրթութ­յուն` ազգային և միջազգային չա­փա­նիշ­նե­րին հա­­մա­պատաս­խան:
• Իրականացնել բարձրագույն մաս­­­նագի­տա­կան և հետ­բու­­հա­կան կրթութ­յուն` նպատա­կա­ուղղված աշխատաշուկայի պա­հանջներին և կարիքներին:
• Ստեղծել համագործակցային միջավայր կրթության շահառուների համար` նպաս­տե­լով արդիական գիտելիքների, հմտությունների և կարողությունների փոխանց­մանն ու տարածմանը:
• Ուսանողների մոտ զարգացնել սովորելու հմտություններ, ինչպես նաև պատ­րաս­տա­կամություն ընդունելու նորը և անընդհատ կատարելագործվելու, նպաստելով գլոբալացվող և անընդհատ փոփոխվող միջավայրում վեր­ջին­ներիս մրցու­նա­կութ­յան ապահովմանը: Այս առումով առաջնային է ուսանողների մոտ ԵՄՀ հիմնարար արժեք­ների զարգացումը (հարատև կրթություն, առաջնորդություն, մարտա­հրա­վեր, թիմային աշխատնք, ստեղծագործական մտածողություն):
• Իրականացնել հետազոտություներ` ուղղված կրթության բովան­դա­կութ­յան ար­դիա­կանացմանը, միջազգայնացմանը, ինչպես նաև համալ­սա­րա­նի անընդհատ զար­գացմանը:
• Իրականացնել ՀՀ սոցիալ-տնտեսական առաջընթացին և միջազգայնացմանը միտված հիմնարար և կի­րա­ռական հետազոտություններ:
• Բուրգի բոլոր մակարդակներում ստացված արդյունքներին հաղորդակից դարձնել հասարակական լայն շրջանակների` տարածելով ձեռք բերված դրական փորձն ու գի­­տելիքը: 

Մեր տեսլականը

Վերարտադրել փոփոխությունների պատրաստակամ, սոցիալապես պատասխանատու բանիմաց անհատների, որոնք կդառնան նորի և նորարարության ներմուծող հասարակություն, կլինեն մրցունակ և ընդօրինակելի:

Մեր արժեքները

Եվրասիա միջազգային համալսարանը կրթական համայնք է, ուր գնահատվում է ստեղ­ծագործական մտածողությունը, նորարարությունն ու նախաձեռնողականութ­յունը: Թիմային ուղղորդված աշխա­տանքի միջոցով  բուհը մինչ օրս կարողացել է դիմակայել կրթական և տնտեսական ոլորտում առաջացած մար­տահրավերներին` երբեմն դրանք ընդունելով սիրով և համարելով անընդհատ աճի երաշխիք: Մենք նախընտրում ենք առաջնորդութ­յան և գերազանցության ճանապարհը` սերմանելով, զարգացնելով բուհի հիմնարար արժեքները ներքին շահակիցների շրջանակներում: Ապրելով հարափոփոխ դարաշրջա­նում` մենք գիտակցում ենք, որ անընդհատ աճն ու կատարելագործումը և, ընդհան­րա­պես, հարատև կրթությունը դարի պահանջն է: Փոքրաթիվ լսարանները և ուսանող-դասախոս թվի ցածր հարաբերակցությունը, բուհում հնարավորություն է ստեղծում հա­մագործակցային մեթոդների կիրառ­ման միջոցով անհատապես ճանաչելու ուսանող­ներին` զարգացնելով ուսանողների թիմային աշխա­տանքի հմտությունները, ապահովե­լով առաջնորդության հնարավորություններ, զարգացնելով ստեղ­ծա­գոր­ծական, վերլու­ծա­կան մտածողություն և այլն: Այսպիսով, ԵՄՀ արժեքներն են.

Համոզված ենք, որ Եվրասիա միջազգային համալսարանը մրցունակ Հայաստանում ավելի մեծ ներուժ կունենա իր առաքելության իրականացման համար: Մենք համոզված ենք, որ այն անհատները, ում ճանապարհում ենք որպես Հայաստան երկրի կառուցողներ, բուհին անուղղակիորեն կվերադարձնեն իր առաքելությունն իրականացնելու ավելի մեծ ներուժ և նորանոր անհատներ կայացնելու ավելի կատարյալ հնարավորություններ: