Ուսուցման որակը ԵՄՀ-ում

Եվրասիա միջազգային համալսարանի կրթական սկզբունքները, մեթոդները, արժեքները ուղղված են ուսանողների ստեղծագործական և վերլուծական մտածողության, ինքնաբացահայտման, նպատակասլացության, նախաձեռնողականության և լավագույն արդյունքի ձգտելու հմտությունների զարգացմանը:

Գիտելիքի հասարակության (knowledge society) պարադիգմայի ստեղծումը հենց այն ժամանակաշրջանում, որում ապրում ենք, պատահական չէ: Գիտելիքը միայն դասավանդողի մենաշնորհը չէ: Այն ամենուր է, իսկ ուսանողը տեղեկատվության և գիտելիքի մերօրյա «հեղեղում» վստահելի աղբյուրներից տեղեկատվություն ստանալու և կիրառելու, արագ կողմնորոշվելու հմտությունների կարիքն ունի:

Եվրասիա միջազգային համալսարանի յուրաքանչյուր ուսանողի որակյալ կրթությունը

• կրթություն ստանալու անսահմանափակ հնարավորությունների առկայության,
• ուսանողի կողմից այս հնարավորությունների գիտակցման ու կիրառման,
• ուսանողի` թիմային աշխատանքի արժևորման և թիմում աշխատելու կարողության

երեք հիմնական նախապայմանների առկայության վերջնարդյունք է, որոնցից երկուսն ուղղակիորեն առնչվում են ուսանողի անձին և հանդիսանում վերջինիս ստացած կրթության հիմնական արդյունքներ, որոնցից նա կարող է ստեղծել այլ` իր համար էական նշանակություն ունեցող արդյունքները:

Վերջին փոփոխություն 29.06.2010 10:53

Տպել էջը