Ուսուցման մեթոդները ԵՄՀ-ում
Մեր ուսուցման միջավայրն ինտերակտիվ է: Մեր լսարաններում ուսուցման մեթոդն այն կարևոր միջոցն է, որով իրական ենք դարձնում դասախոս-ուսանող, ուսանող-դասախոս, ուսանող-ուսանող փոխազդեցությունը:
Մեր դասախոսն ազատ է մեթոդների ընտրության հարցում, բայց այդ ընտրությունը չի կարող կամայական բնույթ կրել: Նա հաշվի է առնում
- ուսուցման նպատակները և խնդիրները, բովանդակությունը,
- ուսուցման նյութի քանակը և բարդությունը,
- ուսանողների պատրաստվածության մակարդակը,
- ուսանողների շահագրռվածությունը,
- ուսանողների տարիքն ու աշխատունակությունը,
- ուսումնական ժամաքանակը,
- ուսուցման նյութատեխնիկական ու կազմակերպական պայմանները,
- այլ դասախոսների կողմից կիրառվող մեթոդները նույն ուսանողների նկատմամբ,
- դասախոս-ուսանող հարաբերությունների կարևորությունը,
- լսարանում ուսանողների թվաքանակը,
- դասախոսի պատրաստվածության մակարդակը:
Մեզ համար հստակ է, որ չկա դեպի արդյունավետ լսարանային միջավայրի ձևավորումը տանող միակ ճանապարհ, և որևէ մեթոդ չի կարող համարվել միակ ճշմարիտը: Մեր դասախոսն ազատ է կիրառել ոչ թե մեթոդն ամբողջությամբ, այլ դրա տարրեր, կամ միացնել տարբեր մեթոդական հնարներ:
Տե’ս
- Թիմային աշխատանքը կամ լսարանային խճանկարը (puzzle) մեր լսարանում
- Դասախոսությունը մեր լսարանում
- Զրույցը մեր լսարանում
- Բանավեճը մեր լսարանում
- Դեբատը մեր լսարանում
- Դերային խաղը մեր լսարանում
Թիմային աշխատանք կամ լսարանային խճանկար (puzzle)
ՙԽճանկար՚ անվանումն ինքնին նկարագրում է մեթոդը: Մենք համագործակցային թիմերով միևնույն թեմայի շուրջ աշխատում են առանձին ուղղություններով: Բոլորիս թիմերի գործունեության արդյունքները միավորվում են ու դառնում մեր լսարանի սեփականությունը: Նյութը, որը մենք ուսումնասիրվում ենք հատվածաբար կամ տարբեր կողմերից, ամբողջանում է, երբ միավորում ենք թիմային աշխատանքների արդյունքները: Մենք հանդես ենք գալիս և՛ սովորողի, և՛ սովորեցնողի դերերում: Երբ մեր լսարանում թիմային աշխատանք ենք իրականացնում
- որոշումներն արագ են կայացվում,
- տեսական գիտելիքներով լուծվում են կոնկրետ խնդիրներ,
- մտածում ենք ստեղծագործաբար,
- զարգացնում ենք մեր գիտական երևակայությունը,
- ակտիվ ենք ունկնդրում,
- համագործակցում ենք թիմում,
- ինքնադրսևորվում ենք վստահ ու համարձակ:
 Վերջին փոփոխություն 29.06.2010 10:57 |
 Տպել էջը |
|
