Ինչ ենք սովորում ԵՄՀ-ում

Տեսականի և գործնականի համադրություն

Համալսարանի բոլոր կրթական ծրագրերում առաջնային կարևորություն է հատկացվում ոչ միայն տեսական գիտելիքների փոխանցմանը, այլ նաև գործնական հմտությունների և կարողությունների ձևավորմանն ու զարգացմանը: Ուսանողակենտրոն մոտեցումների և մեթոդների միջոցով պրոֆեսորադասախոսական կազմը շեշտադրում է թիմային աշխատանքի և համագործակցության, արագ կողմնորոշվելու և որոշումներ կայացնելու, ստեղծագործաբար և վերլուծաբար մտածելու և այլ կարողություններ ու հմտություններ:

Կարևորելով ուսանողի վերոհիշյալ կարողությունների ու հմտությունների զարգացումը` որակի ապահովման կենտրոնը պարբերաբար գնահատում է պրոֆեսորադասախոսական կազմի մեթոդական պատրաստվածությունը: Կենտրոնն աշխատաշուկայի և համալսարանի կապի ամրապնդման, պահանջների փոխադարձ հստակեցման նպատակով ուսանողների, շրջանավարտների և գործատուների շրջանակներում պարբերաբար իրականացնում է հարցախույզ և արդյունքների վերլուծությունները ներկայացնում համալսարանի համապատասխան օղակներին` կրթական ծրագրերի բարելավման նպատակով: Կենտրոնի վերլուծությունների համար տեղեկատվական աղբյուր է նաև ԵՄՀ կարիերայի կենտրոնի կողմից հավաքագրվող ուսանողների և շրջանավարտների աշխատանքի տեղավորման ցուցանիշները: