Վերջնարդյունքների վրա հիմնված դասընթացի մշակում և կառավարում
«Սոցիես» փորձագիտական կենտրոնի, Եվրասիա միջազգային համալսարանի և Երևանի պետական Վ. Բրյուսովի անվան լեզվաբանական համալասարանի համատեղ նախաձեռնությամբ ս.թ. հոկտեմբերի 16, 17-ին Ծաղկաձորում կկայանա «Վերջնարդյունքների վրա հիմնված դասընթացի մշակում և կառավարում» երկօրյա համաժողովը:
Համաժողովի ընթացքում մասնակիցները հնարավորություն կունենան ոչ միայն մասնակցելու գործնական աշխատաժողովների (կվարեն փորձագետներ), այլև փոխանակելու դասավանդման փորձը, մասնակցելու ընթացիկ քննարկումների, հատուկ ձևաչափով մշակված պաստառների ներկայացմանը (անգլ.՝ poster session):
Համաժողովին կարող են մասնակցել բարձրագույն ուսումնական հաստատություններում դասավանդողները, ովքեր
- ունեն նվազագույնը 0.25 դրույքաչափ ծանրաբեռնվածություն
- պատրաստ են ընդունելու նոր գաղափարներ
- համարում են, որ դասախոսակենտրոնից ուսանողակենտրոնի փոխակերպված կրթական համակարգերի և դասավանդման փոխներգործուն մեթոդների ձևավորման և կայացման ԺԱՄԱՆԱԿՆ Է
- անընդհատ վերապատրաստումն ու հարատև կրթությունն ընկալում են որպես մասնագիտական մրցունակության և անձի զարգացման արդիական երաշխիքներ:
Դիմելու համար խնդրում ենք դիմում հայտի լրացված տարբերակը ուղարկել sona.balasanyan@yahoo.com, CC: arevik_ohanyan@eiu.am, head_unescoedu@brusov.am էլ. հասցեներին`վերնագրելով. Application/Your Name/Your Surname (օրինակ. Application/Sona/Balasanyan):
________________________________________
Միջոցառումն իրականացվում է ԱՄՆ պետքարտուղարության, ՀՀ-ում ամերիկյան դեսպանատան և Հայաստանի ԱՄՆ շրջանավարտների ասոցիացիայի աջակցությամբ:
________________________________________
Ներբեռնել դիմում հայտը 
