«Հետազոտական աշխատանքի նախագծման և ներկայացման առանձնահատկությունները» թեմայով սեմինար
Եվրասիա միջազգային համալսարանի Հետազոտական կենտրոնը շարունակում է ուսանողների մոտ ինքնուրույն գիտական հետազոտությունների, ստեղծագործական աշխատանքների նպատակաուղղվածությունը և արդյունավետությունը բարձրացնելուն միտված սեմինարների կազմակերպումը:
Այս անգամ նախատեսվում է «Հետազոտական աշխատանքի նախագծման և ներկայացման առանձնահատկությունները» թեմայով սեմինար, որը կվարի բանասիրական գիտությունների թեկնածու, դոցենտ Իրինա Մխիթարյանը:
Սեմինարի ընթացքում անդրադարձ կկատարվի հետևյալ հարցերին՝
Հետազոտական աշխատանքի պլանավորում.
- Հետազոտության նպատակներն ու խնդիրները
- Մեթոդաբանություն
- Հետազոտական հարցեր
- Գրականության ակնարկ (անցյալ և ներկա)
- Հիպոթեզի բացահայտում
- Տվյալների հավաքագրում
- Տվյալների վերլուծություն
- Քննարկում
- Եզրակացություն
- Հղումներ
Հետազոտական առցանց հարթակներ
Գրագողության հայտնաբերում
Հետազոտական տվյալների հավաքագրման տեխնիկա (որակական մեթոդ)
ԵՄՀ դասախոս Իրինա Մխիթարյանը ներկայումս դասավանդում է նաև ԵՊՀ-ում և ՀՊՏՀ-ում, ինչպես նաև դասավանդել է արտասահմանյան համալսարաններում․ Իսպանիայի Սանտիագո դե Կոմպոստելա համալսարանում, Վարշավայի պետական համալսարանում, Սալոնիկի Արիստոտելի համալսարանում։ Գիտական հետազոտությունների շրջանակներն են՝ միջմշակութային հաղորդակցում, ճանաչողական ոճագիտություն, կորպուս լեզվաբանություն,ճանաչողական լեղվաբանություն,համախառն ուսուցում, հաղորդակցական լեզվական ուսուցում, բովանդակությանը և լեզվի ինտեգրված ուսուցում:
Ի. Մխիթարյանը մասնակցել է բազմաթիվ միջազգային վերապատրաստումների ինչպես Հայաստանում, այնպես էլ արտերկրում։ Մի շարք գիտական և գիտամեթոդական հոդվածների հեղինակ է:
Սեմինարը նախատեսվում է անցկացնել 2024թ. փետրվարի 15-ին՝ ժամը 14:30-ին, 614 լսարանում: