Ընդհանուր նկարագիր

Եվրասիա միջազգային համալսարանը «Գերմանական լեզուներ» (Ժ.02.07) մասնագիտության գծով իրականացնում է ասպիրանտական կրթություն` ՀՀ ԿԳՆ 09.07.2013թ. N 918-Ա/Ք հրամանի հիման վրա:

• Առկա ոսուցման տևողությունը 3 տարի է, հեռակայինը` 4:

• Ընդունելությանը կարող են մասնակցել պետական և հավատարմագրված ոչ պետական բուհերի շրջանավարտները, ովքեր ունեն բարձրագույն կրթության մասնագետի կամ մագիստրոսի դիպլոմ և հանձնել  են ստորև ներկայացվող քննությունները: Դիմորդները պետք է ներկայացնեն նաև ընտրված մասնագիտությունից գիտական ռեֆերատ` (ակնարկվող թեմայից) առնվազն 20 տպագրական էջ կամ հրատարակված գիտական աշխատություններ (նվազագույնը` 0.5 մամուլ ծավալով):
• Մասնագիտական քննության մասնակ­ցե­լու թույլտվություն տալիս է ԵՄՀ ընդունող հանձնաժողովը` «Օտար լեզու‰ և «Ինֆորմատիկա և համակարգչից օգտվելու հիմունքներ‰ առարկաներից տարբերակված ստուգարքների դրական արդյունքների և ներկայացված գիտական ռեֆերատի (ռեֆերատի հետ միասին պահանջվում է մասնագիտական ամբիոնի  դրական գրախոսական) առկայության դեպ­քում:
• ԵՄՀ-ն ներգրավված է Եվրոպական միության կողմից հովանավորվող «Erasmus+» ծրագրին,  ինչն աս­պի­րանտ­ներին հնարավորություն է ընձեռում ուսումնառության և հետա­զոտության որոշ հատված անցնել ԵՄ բուհերում` ստանալով կրթաթոշակ (մրցութային հիմունքներով): Միջազգային փոխանակման ծրագրերին կարող եք ծանոթանալ ԱՅՍՏԵՂ։
• Մասնագիտական քննությունից «բավարար‰գնահատական ստացած դի­մոր­դը զրկվում է ասպիրանտուրա ընդունվելու իրավունքից  (8-12 միա­վոր` 20 բալանոց սանդղակով):