ԵՄՀՕտար լեզուների և գրականության

Ընդհանուր նկարագիր

«Անգլերեն լեզու և գրականություն» մասնագիտությամբ Մանկավարժության մագիստրոսի կրթական ծրագրի նպատակն է պատրաստել հետազոտական հմտություններով, բազմակողմանի և բարձրակարգ լեզվական գիտելիքներով օժտված մասնագետների, որոնք կարող են իրականացնել մասնագիտական և մանկավարժական, այդ թվում` գիտահետազոտական գործունեություն, ունեն հայեցակարգային մտածողություն, կարող են բացահայտել մասնագիտությանը վերաբերող հիմնախնդիրները, ներկայացնել հիմնավորված առաջարկություններ, ներմուծել դասավանդման նոր մոտեցումներ և մեթոդներ, հարմարեցնել դրանք հայաստանյան ուսանողների մշակույթին,կիրառել բազմամշակութայնության սկզբունքները, կազմել առարկայական ծրագրեր, կատարել լեզվաբանության, բանասիրության ոլորտին վերաբերող թարգմանություններ՝ ակադեմիական հենքով: ԿԾ գլխավոր նպատակն է ուսումնասիրել անգլերեն լեզվի դիդակտիկան՝ հարաբերակցելով այն կոնկրետ լեզվաբանական, մշակութային և գրականագիտական ուղղությունների հետ:

«Օտար լեզուներ և գրականություն» մասնագիտության մագիստրատուրայի կրթական ծրագիրը միտված է ձևավորելու լեզվի դասավանդման մեթոդաբանության, ուսումնական պլանի և նյութերի կազմման, թեսթավորման, ինչպես նաև երկրորդ օտար լեզվի ձեռքբերման և անգլերենի՝ որպես օտար լեզվի դասավանդման (TEFL) հետազոտությունների վերաբերյալ հիմնարար գիտելիքներ։

Անգլերենի՝ որպես օտար լեզվի դասավանդման մագիստրատուրայի ուսանողները քննարկում և կիրառում են ուսուցման մոդելները, ուսուցման նորարարական տեխնոլոգիաները և լեզվաբանական տեսությունները։ Ուսանողները տիրապետում են նաև օտար լեզվի ուսուցման ոլորտում հետազոտությունների իրականացման հմտություններին։

Կրթական ծրագրի գիտահետազոտական դասընթացները բաղկացած են հետևյալ մասերից․

• վարպետության դասեր,
• թեզի գիտահետազոտական աշխատանք,
• գիտահետազոտական պրակտիկա,
• գիտամանկավարժական պրակտիկա,
• թեզի պաշտպանություն։

«Օտար լեզուներ և գրականություն»  մասնագիտությունը «UFAR EL» Քեմբրիջ անգլերենի գնահատման կենտրոնի հետ համագործակցության արդյունքում ապահովում է նաև Cambridge անգլերենի դասընթացներ   (KET A2, PET B1, FCE B2, CAE C1, CPE C2).

Կարիերայի հնարավորություններ

Շրջանավարտները կարող են աշխատել հետևյալ ոլորտներում․

• անգլերենի՝ որպես երկրորդ լեզվի ուսուցիչ,
• օտար լեզվի ուսուցիչ,
• մեծահասակների մանկավարժ,
• աշխատավայրում գործող TEFL հրահանգիչ,
• համայնքային մանկավարժ,
• ուսուցչի օգնական,
• լեզվի մասնագետ,
• թարգմանիչ,
• գիտաշխատող,
• ուսումնական ծրագրերի խորհրդատու,
• ուսուցման ճկուն համակարգերի մշակող,
• լեզվի դասախոս և այլն:

Լավագույն ուսանողները հնարավորություն ունեն նաև անցնելու կայուն աշխատանքի Եվրասիա միջազգային համալսարանի համագործակից և Հայաստանի Հանրապետությունում առաջատար պետական և մասնավորում դպրոցներում։

«Օտար լեզու և գրականություն» մասնագիտությամն դասընթացներին կարող եք ծանոթանալ ԱՅՍՏԵՂ