ՄԱՆԿԱՎԱՐԺՈՒԹՅՈՒՆ
ԸՆԴՀԱՆՈՒՐ ՆԿԱՐԱԳԻՐ
Տարրական մանկավարժության մասնագիտությունը նպատակ ունի զարգացնելու հիմնարար և համակարգված գիտելիքներ մանկավարժության և հոգեբանության սկզբունքների, կրթական նոր տեխնոլոգիաների վերաբերյալ: Ուսանողները հնարավորություն կունենան հասկանալ տարրական դպրոցի կրթության բովանդակությունը, նրա առանձնահատկությունները, զարգացնել տարրական կրթության ծրագրերով դասավանդելու կարողությունները և հմտությունները:
Ուսումնառության ողջ ընթացքում Եվրասիա միջազգային համալսարանի կազմում գործող Օհանյան կրթահամալիրում և Նյուտոնիկ նախակրթարանում, ինչպես նաև համագործակից մի շարք դպրոցներում ուսանողներն ընդգրկվում են պրակտիկ աշխատանքներում, իրականացնում են նախագծեր։ Ձեռք բերված գիտելիքներն ուսանողներն օգտագործում են պրակտիկայում, լավագույնները տեղավորվում են աշխատանքի։
Կրթական ծրագիրը զարգացված է ԿԳՄՍ կողմից մշակված և հաստատված պետական նոր չափորոշիչների հիման վրա (2020 թ․)՝ ըստ ուսումնառության հետևյալ բնագավառների․
- Հայոց լեզու և գրականություն
- Հայրենագիտություն
- Օտար լեզուներ
- Բնագիտություն, տեղեկատվական հաղորդակցական տեխնոլոգիաներ, ճարտարագիտություն, մաթեմատիկա (ԲՏՃՄ)
- Հասարակություն, հասարակական գիտություններ
- Արվեստ և արհեստ
- Ֆիզիկական կրթություն և անվտանգ կենսագործունեություն:
Կրթական ծրագրի մշակման ընթացքում ուսումնասիրվել է մի շարք երկրների փորձը՝ ի թիվս որոնց, ԱՄՆ-ի ազգային, Սինգապուրի, Էստոնիայի և Ֆինլանդիայի փորձը։ Ուսումնասիրվել են նաև Միջազգային բակալավրիատի ցանցի անդամ դպրոցներում դասավանդելու պահանջները, որը նույնպես արտացոլվել է կրթական ծրագրում։
ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐ
Բուհն ավարտելուց հետո շրջանավարտները կարող են աշխատանքի անցել դպրոցներում, նախադպրոցական հաստատություններում, կրթական կառավարչական, արտադպրոցական, արտաուսումնական հաստատություններում՝
զբաղեցնելով հետևյալ պաշոնները
- տարրական դպրոցի ուսուցիչներ,
- դասվարներ,
- մեթոդիստներ,
- ուսումնական հաստատությունների ղեկավարման քաղաքացիական ծառայության պաշտոններ և այլն։