Ընդհանուր նկարագիր
Եվրասիա միջազգային համալսարանի Կառավարման և ՏՏ ամբիոնն իր գործունեությունը սկսել է 1996թ-ից:
Կառավարման ամբիոնում կրթությունը իրականացվում է երեք աստիճաններում՝
- Բակալավրիատ
- Մագիստրատուրա
- Ասպիրանտուրա
Կառավարման և ՏՏ ամբիոնը շնորհում է որակավորումները.
- Կառավարում
- Հյուրընկալության կառավարում
- Նախագծերի կառավարում
- Էլեկտրոնային բիզնեսի կառավարում
- Ը: 00.02 մասնագիտությամբ տնտեսագիտության թեկնածուի գիտական աստիճան
Կրթական ծրագրի նպատակը
«Կառավարում» մասնագիտության բակալավրիատի կրթական ծրագրի նպատակն է պատրաստել կառավարչական բնույթի տեսական գիտելիքներով ու գործնական հմտություններով օժտված բարձրակարգ մասնագետներ, ովքեր իրենց մասնագիտական կարողություններով և հմտություններով կհամապատասխանեն ինչպես ազգային, այնպես էլ միջազգային աշխատաշուկայի կողմից ներկայացվող պահանջներին ու ստանդարտներին:
Կրթական ծրագրի խնդիրները
- Հետազոտել կառավարման առկա ժամանակակից հայացքները,
- Հետազոտել կառավարման տեսական և մեթոդաբանական հիմքերը,
- Հետազոտել կառավարման սկզբունքները, մեթոդները, գործառույթները և գործիքակազմը,
- Յուրացնել շուկայական տնտեսության պայմաններում որոշումների կայացման և դրանց իրականացման ողջ գործընթացը,
- Ձևավորել կառավարման մասնագիտական գրականության ինքնուրույն ուսումնասիրության կարողություններ և դրանց հիման վրա ապահովել հետազոտական աշխատանք կատարելու հմտությունների զարգացում,
- Ձևավորել կառավարման բնագավառում ժամանակակից պահանջներին հարիր գիտելիքներ և ապահովել ուսանողների կողմից դրանցյուրացումը,
- Ներկայացնել և պարզաբանել կառավարչական գործունեության բնագավառում հիմնավորված որոշումների ընդունման գործնական կողմը և իրականացման մեխանիզմը,
- Զարգացնել կազմակերպություններում կառավարչական աշխատանք կատարելու ունակություններ:
Մասնագիտական գործունեության ոլորտներն ընդգրկում են.
- յուրաքնաչյուր կազմակերպաիրավական կազմակերպությունում, որտեղ շրջանավարտները կաշխատեն որպես կառավարման միջին կամ բարձր օղակի աշխատակիցներ կամ ղեկավարներ,
- պետական և մունիցիպալ կառավարման համակարգում,
- ոլորտներ որտեղ շրջանավարտը հանդիսանում է ձեռնարկա-տեր, սեփական բիզնես նախաձեռնող և կայացնող
Կառավարման բակալավրի որակավորմամբ անձինք ստանում են լայն կարերիայի հնարավորություն այնպիսի ոլորտներում, ինչպիսիք են.
- Մարքեթինգային,
- Մարդկային ռեսուրսներ,
- Օպերացիոն և տեխնոլոգիական մենեջմենթ,
- Խորհրդատվություն մենեջմենթի ոլորտում (քընսալթինգ),
- Ձեռնարկատիրություն,
- Ֆինանսներ,
- Լոգիստիկա,
- Ինովացիոն մենեջմենթ,
- Կրթության շարունակականություն և այլ։
Ամբիոնում դասավանդող դասախոսների գերակշիռ մասը հանդիսանում են պրակտիկ դաշտի արհեստավարժ մասնագետներ, որոնք աշխատում են այնպիսի հեղինակավոր կազմակերպություններում, ինչպիսիք են «Գարանտ ինշուրանս», «ՎՏԲ-Հայաստան», “KPMG”, «Կենտրոնական բանկ», «Արմհոթելս» և այլ կազմակերպություններ:
Ամբիոնը համագործակցում է մի շարք պետական և մասնավոր կազմակերպությունների հետ, որոնցից հատկանշական ենք համարում նշել Ֆինանսների նախարարությունը, ԿԱ պետական գույքի կառավարման վարչությունը, Քանաքեռ-Զեյթուն և Արաբկիր վարչական շրջանները, բանկերը, ապահովագրական ընկերությունները, արտադրական և առևտրական կազմակերպությունները:
Սերտ համագործակցության արդյունքում, ֆակուլտետի մի շարք ուսանողներ արդեն իսկ աշխատում են «Գարանտ ինշուրանս» ԱՓԲԸ-ում, Ֆինանսաների նախարարությունում, «Ադամանդ» Երևանի ապրանքահումքային բորսայում, «Ուկր տրանս վոյաժ» ընկերությունում և այլ համագործակից կազմակերպություններում: