Գուցե նրանցից ոմանք տարիներ անց հայտնվեն այստեղ՝ արդեն իսկ ոչ թե որպես ուսանող, այլ որպես օրենսդիր մարմնի անդամ:
«ՀՀ Սահմանադրական իրավունք» առարկայի շրջանակներում Եվրասիա միջազգային համալսարանի իրավագիտության ամբիոնի ուսանողները այցելեցին երկրի օրենսդիր մարմին։ Այցելության օրակարգը բավականին ընդգրկուն էր։ Սկզբում ապագա իրավաբանները լրագրողական խցիկից հետևեցին խորհրդարանի նիստի աշխատանքին, նիստի ընթացքում ԵՄՀ ուսանողներին ողջունեց Ազգային ժողովի նախագահի տեղակալ Հակոբ Արշակյանը:
Այնուհետև մեր ուսանողները հնարավորություն ունեցան ծանոթանալու խորհրդարանի պատմության առավել վառ դրվագներին, ԱԺ կառուցվածքին, գործունեությանը, պատգամավորների աշխատանքի առանձնահատկություններին՝ հանդիպում-զրույցներ ունենալով տարբեր ստորաբաժանումների ղեկավար կազմի հետ։