Ս․թ․մայիսի 20-ին Եվրասիա միջազգային համալսարանը հյուրընկալեց Հայաստանում Իրաքի Հանրապետության դեսպանության գործերի ժամանակավոր հավատարմատար Մոհամմեդ-Օ-Ջեբուռ Ալ-Մասուդին և դեսպանատան ներկայացուցիչներին:
Վերջիններս հանդիպեցին ԵՄՀ ռեկտոր, աշխ․գիտ․դոկտոր, պրոֆեսոր Սուրեն Օհանյանին, համալսարանի ներկայացուցիչներին։
Մեծարգո հավատարմատարը և դեսպանատան ներկայացուցիչները ծանոթացան բուհի կրթական ծրագրերին, որակի ապահովման մոտեցումներին և ուսանողներին ներկայացվող պահանջներին։ Քննարկվեցին ԵՄՀ և Իրաքի հանրապետության բուհերի միջև համագործակցության հնարավորություններ։ Պարոն Մոհամմեդ-Օ-Ջեբուռ Ալ-Մասուդին շնորհակալություն հայտնեց բուհից՝ ի դեմս ռեկտորի և աշխատակազմի, ուսանողների մասնագիտական կրթությունը լավագույնս կազմակերպելու համար՝ խնդրելով պահպանել ուսանողների նկատմամբ խստապահանջ առկա մոտեցումը: Քննարկմանը հաջորդեց շրջայցը, որի ժամանակ դեսպանատան ներկայացուցչական կազմը ծանոթացավ բուհի ենթակառուցվածքներին, նոր տեխնոլոգիաներով հագեցած լսարաններին և լաբորատորիաներին։
Առաջիկայում ԵՄՀ դասախոսական և վարչական կազմի ներկայացուցիչները կայցելեն Իրաք՝ ուսումնասիրելու երկրի կրթական համակարգը և առանձահատկությունները, Իրաքի հանրապետության բուհերի հետ կընդլայնեն համագործակցությունը կրթական և հետազոտական ոլորտներում։