Գլոբալ տաքացումը ներկայումս առանցքային հիմնահարցերից է, որը քննարկվում է նախորդ դարի կեսերից: Բնական պաշարների շահագործման աճին զուգընթաց գիտնականների կանխատեսումներն առաջնային լուծումներ են պահանջում:
Հենց այս հիմնահարցին անդրադարձավ Էրազմուս+ ծրագրի շրջանակներում 2018-2019 ուստարվա Գարնանային կիսամյակի ուսումնառությունը Վալենսիա համալսարանում (Իսպանիա) շարունակած ԵՄՀ «Օտար լեզուներ և գրականություն» մասնագիտության 3-րդ կուրսի ուսանողուհի Շուշանիկ Խանամիրյանը՝ ներկայացնելով զեկուց «Գլոբալ տաքացում» թեմայով։
Իր զեկույցում Շուշանիկն անդրադարձավ գլոբալ տաքացման պատճառներին և հետևանքներին, մեջբերեց տեսական ու գիտական եզրակացություններ և վիճակագրական վերլուծություններ։
Հանդիպումն ամփոփվեց թեմայի շրջանակում ուսանողների ակտիվ քննարկմամբ:
Նշենք, որ հանդիպման աշխատանքային լեզուն անգլերենն էր:
Հավելենք նաև, որ հանդիպման նախաձեռնությունը ԵՄՀ միջազգային կապերի կենտրոնինն է, որի նպատակն է կիսել բուհի մյուս ուսանողների հետ միջազգային շարժունության ծրագրի արդյունքում ստացած փորձն ու գիտելիքները։