ՄԱԳԻՍՏՐԱՏՈՒՐԱ (ԿԱՌԱՎԱՐՈՒՄ)
Ընդհանուր նկարագիր
Շնորհվող որակավորումը
Տեղեկատվական Համակարգերի մագիստրոս
ԿԾ նպատակը
«Տեղեկատվական համակարգեր» մասնագիտության մագիստրոսի կրթական ծրագրի նպատակն է պատրաստել բազմակողմանի և բարձրակարգ գիտելիքներով օժտված Տեղեկատվական Համակարգերի և Տեխնոլոգիաների մասնագետների, որոնք կարող են իրականացնել խորացված, հիմնարար և մասնագիտական, այդ թվում` գիտահետազոտական և մանկավարժական պատրաստվածություն պահանջող գործունեություն, կարող են բացահայտել մասնագիտացման բնագավառի կարգավորման հետ առընչվող հիմնախնդիրները տրամադրել որակյալ մասնագիտական խորհրդատվություններ և լուծումներ և իրենց մասնագիտական հմտություններով կհամապատասխանեն միջազգային աշխատաշուկայի կողմից ներկայացվող պահանջներին:
Կրթական ծրագրի խնդիրները
Ելնելով ԵՄՀ 2014-2018թթ. Ռազմավարական ծրագրից և բուհի առաքելությունից Կրթական ծրագիրն իրականացնում է հետևյալ խնդիրները`
Կրթություն
- Ստեղծել համագործակցային միջավայր իրականացնելու որակի ապահովման ազգային և միջազգային չափանիշներին, ինչպես նաև աշխատաշուկայի պահանջներին համապատասխան կրթություն:
- Տրամադրել բազմակողմանի գիտելիքներ, կարողություններ և հմտություններ՝ տեղեկատվական համակարգերի և տեխնոլոգիաների ոլորտում հիմնարար և մասնագիտական, այդ թվում գիտահետազոտական և մանկավարժական գործունեություն իրականացնելու համար:
- Զարգացնել Տեղեկատվական համակարգերի մասնագետին անհրաժեշտ ընդհանրական գիտելիքներ, կարողություններ և հմտություններ:
- Նպաստել շրջանավարտների մրցունակությանը աշխատաշուկայում և նրա` որպես տեխնիկական և վերլուծական մտածողություն ունեցող, տեսական և կիրառական գիտելիքներով օժտված հասարակության անդամի ձևավորմանը:
- Խորացնել ուսանողների մոտ սովորելու, նորն ընդունելու և անընդհատ կատարելագործվելու հմտություններ:
Հետազոտություն
- Իրականացնել հետազոտություներ` ուղղված կրթության բովանդակության արդիականացմանը և միջազգայնացմանը:
- Հետազոտել տեղեկատվական համակարգերի և տեխնոլոգիաների ոլորտը
- Ապահովել ուսանողների կողմից մագիստրոսի պատրաստման մասնագիտական ծրագրին համապատասխան ինքնուրույն գիտահետազոտական և նորարարական աշխատանքների իրականացմանը:
Հանրային ծառայություն
- Նպաստել ուսանողների մասնագիտական որակավորման բարձրացմանը՝ ներգրավելով նրանց արտաքին շահակիցներին մատուցվող մասնագիտական ծառայությունների տրամադրման գործընթացին:
- Ուսուցման և հետազոտության ոլորտներում ստացված արդյունքներին հաղորդակից դարձնել հասարակական լայն շրջանակների` տարածելով ձեռք բերված դրական փորձն ու գիտելիքը:
Ընդունելության պահանջներ
Դիմորդն ունի պետական նմուշի փաստաթղթով հաստատված որոշակի աստիճանի բարձրագույն մասնագիտական կրթություն։
Աշխատատեղերի (աշխատանքի անցնելու հնարավորությունները (ծառայունակությունը))
Շրջանավարտը կարող է աշխատել տեղական և օտարերկրյա պետական և մասնավոր բոլոր ձեռնարկություններում որպես տեղեկատվական համակարգերի և տեխնոլոգիաների բնագավառի բարձրակարգ մասնագետ, դասախոս, գիտաշխատող և զբաղեցնել պաշտոններ:
Ո՞վ կարող է դիմել.
Պետականորեն հավատարմագրված մագիստրոսական ծրագրերում կարող են ներգրավվել բակալավրիատի ցանկացած մասնագիտություն ունեցող այն անձինք, ովքեր ցանկանում են.
- խորացնել մասնագիտական բազային գիտելիքները,
- ձեռք բերել նոր մասնագիտություն,
- վերապատրաստվել, ձեռք բերել աշխատանքային շուկայի պահանջներին համապատասխան գիտելիքներ և հմտություններ:
Որո՞նք են ԵՄՀ մագիստրոսական ծրագրերի առանձնահատկությունները.
- անհատական մոտեցում յուրաքանչյուր ուսանողին, անհատական կարիերայի զարգացման հնարավորությունների պլանավորում, խորհրդատվություն,
- պրակտիկ աշխատողների կողմից դասավանդում,
- աշխատանքային շուկայի պահանջներից բխող կրթական ծրագրեր,
- հաճախակի հանդիպումներ տարբեր ոլորտների հաջողակ ներկայացուցիչների հետ,
- կրթաթոշակներ ստանալու և արտասահմանյան բուհերում կրթությունը շարունակելու հնարավորություն (մասնավորապես Եվրամիության կողմից հովանավորվող Էրազմուս + ծրագրի շրջանակներում),
- աշխատանքի և կրթության համատեղման հնարավորություններ (դասերը կազմակերպվում են ոչ աշխատանքային ժամերին և շաբաթ օրերին):
Մասնագիտացումներ
ԿԾ մասնագիտացումները | Ուսումնառության վերջնարդյունքները |
Տեղեկատվական
Համակարգեր |
Տեղեկատվական համակարգերի մասնագիտացման խորացված ուսուցում:
Խորացված գիտելիքներ, կարողություններ և հմտություններ` տեղեկատվական համակարգերի և տեխնոլոգիաների, ինֆորմատիկայի, ցանցային կառուցվածքի, ինֆորմացիայի անվտանգության և պաշտպանության մեթոդների վերաբերյալ |
Տեղեկատվական համակարգերի մշակում | Տեղեկատվական համակարգերի մշակում մասնագիտացման խորացված ուսուցում:
Խորացված գիտելիքներ, կարողություններ և հմտություններ` ինֆորմատիկայի, ծրագրավորման մեթոդների և լեզուների, ալգորիթմների, օբյեկտ կողմնորոշված ծրագրավորման և գիտելիքների պրակտիկ օգտագործման վերաբերյալ |
Կառավարման տեղեկատվական համակարգեր | Կառավարման տեղեկատվական համակարգեր մասնագիտացման խորացված ուսուցում:
Խորացված գիտելիքներ, կարողություններ և հմտություններ` ինֆորմատիկայի, ծրագրավորման մեթոդների և լեզուների, ալգորիթմների, օբյեկտ կողմնորոշված ծրագրավորման, տվյալների բազաների և գիտելիքների պրակտիկ օգտագործման վերաբերյալ |
Դասավանդվող առարկաներ
ԸՆԴՀԱՆՈւՐ ՀՈւՄԱՆԻՏԱՐ ԴԱՍԸՆԹԱՑՆԵՐ
- Օտար լեղու
- Հայոց լեզու
- Տեխնիկական անգլերեն
ԸՆԴՀԱՆՈւՐ ՄԱԹԵՄԱՏԻԿԱԿԱՆ ԴԱՍԸՆԹԱՑՆԵՐ
- Դիսկրետ մաթեմատիկա
- Կիրառական մաթեմատիկայի և ինֆորմատիկայի ընթացիկ խնդիրներ
- Հավանականության տեսություն և մաթեմատիկական վիճակագրություն
ԸՆԴՀԱՆՈւՐ ՄԱՍՆԱԳԻՏԱԿԱՆ ԴԱՍԸՆԹԱՑՆԵՐ
- Մեծ տվյալներ (Big Data)
- Ժամանակակից օպերացիոն համակարգեր
- Տվյալների պաշտպանություն և անվտանգություն
- Cloud
ՄԱՍՆԱԳԻՏԱՑՎԱԾ ԴԱՍԸՆԹԱՑՆԵՐ
- Կոդավորման տեսություն
- XML և Տվյալների բազաներ
- Կոդավորման տեսություն
- Տվյալների ինտելեկտուալ անալիզ
- Դիսկրետ օպտիմիզացման ալգորիթմների անալիզ
Դիմելու ընթացակարգ
- Մագիստրատուրայի ընդունելությունը կատարվում է2017թ. մայիսի 2-ից սեպտեմբերի 12-ը:
- Համալսարանի մագիստրատուրայում ուսուցումը կազմակերպվում է վճարովի հիմունքներով:
- Նոր մասնագիտություն ընտրած դիմորդները հանձնում են ընդունելության քննություն` ընտրված մասնագիտության բակալավրի ավարտական քննության ծրագրով:
- Մագիստրատուրայի ընդունելությունը կատարվում է մրցույթով` մրցութային հանձնաժողովի դրական եզրակացության առկայության դեպքում: Անգլերեն կամ ռուսաց լեզվի տիրապետումը պարտադիր է բոլոր դիմորդների համար (համապատասխան առարկայի գծով դիմորդները հանձնում են թեստեր):
Անհրաժեշտ փաստաթղթեր
- դիմում-հայտ /ներբեռնել/
- դիմում ԵՄՀ ռեկտորի անունով
- բարձրագույն կրթության դիպլոմի և նրա հավելվածի բնագրերն ու պատճենները
- երաշխավորագիր նախկին ուսումնական հաստատությունից կամ աշխատավայրից (եթե դիմորդն աշխատում է, իսկ զինվորական ծառայությունից զորացրվածները երաշխավորագիր չեն ներկայացնում)
- 6 լուսանկար (3×4 չափի)
- հրատարակված աշխատությունների ցանկ
- մասնագիտությունը փոխելու մասին գրավոր հիմնավորում
- անձնագրի պատճենը
- Փաստաթղթերի ընդունման վարձի անդորրագիր