Ս.թ. դեկտեմբերի 23-ին ԵՄՀ «Իրավագիտություն» մասնագիտության 4-րդ կուրսի ուսանողները «Ընտանեկան իրավունք» առարկայի շրջանակներում իրականացրեցին առցանց բաց դաս Հայաստանում ամուսնության կնքման պայմանների ու կարգի իրավակարգավորման խնդիրների վերհանման վերաբերյալ։
Ուսանողները, դասախոս, ԵՄՀ իրավագիտության ամբիոնի հայցորդ Մերի Շահբազյանի ուղղորդմամբ, իրականացրել էին առցանց սոցիոլոգիական հարցում՝ նախապես իրենց կողմից կազմված և մշակված հարցաշարի միջոցով։
Հետազոտության արդյունքների վերլուծության արդյունքում ուսանողները վեր հանեցին խնդիրներ՝ կապված ամուսնության կնքման պայմանների ու կարգի հետ։ Ներկայացրին առաջարկություններ ոլորտը կարգավորող իրավական ակտերի համապատասխան դրույթներում փոփոխություններ և լրացումներ իրականացնելու համատեքստում:
Առցանց հարթակում բաց դասին ներկա էին իրավագիտության ամբիոնի վարիչ, ՀՀ վաստակավոր իրավաբան, իրավագիտության դոկտոր, պրոֆեսոր Ռաֆիկ Պետրոսյանը, ամբիոնի վարիչի տեղակալ Նունե Ջոմարդյանը, ամբիոնի հայցորդներ, թեմայով հետաքրքրված անձիք:
Դասի ընթացքում ուսանողներին իրենց հարցադրումներով և մասնագիտական եզրահանգումներով ուղղորդեցին Ռ.Պետրոսյանը և Ն.Ջոմարդյանը: Հանդիպումն ավարտվեց ակտիվ քննարկմամբ: